Qasym-Jomart Toqaev Shavkat Mirziioevpen telefon arqyly sóilesti, dep habarlaidy "Ult aqparat" Aqordanyń baspasóz qyzmetine silteme jasap.
Memleketter basshylary kópǵasyrlyq ajyramas dostyq pen tatý kórshilikke, ózara senim men strategiialyq seriktestik qaǵidatyna negizdelgen ekijaqty qatynastardyń qazirgi ahýaly men ony ári qarai damytýdyń perspektivalaryn talqylady.
Qasym-Jomart Toqaev pen Shavkat Mirziioev ózara yqpaldastyqtyń joǵary deńgeiin jáne koronavirýs indetiniń saldaryn tezirek eńserý maqsatynda eki el úkimetteriniń arasyndaǵy tájiribe almasýdy erekshe atap ótti.
Áńgimelesý barysynda taýar ainalymyn arttyrýǵa, biznes pen aimaqtyq deńgeidegi is-qimyldardy keńeitýge, sondai-aq, mádeni-gýmanitarlyq bailanystardy nyǵaitýǵa baǵyttalǵan birlesken jobalardy ilgeriletýge basa mán berildi.
Memleketter basshylary óńirdegi jaǵdaiǵa bailanysty pikir almasty. Qazaqstan men Ózbekstan Prezidentteri Qyrǵyzstandaǵy ahýal eldiń Konstitýtsiiasy men zańnamalyq normalaryna sáikes tezirek turaqtanatynyna senim bildirdi.
Qasym-Jomart Toqaev Qazaqstannyń baýyrlas qyrǵyz elimen odaqtastyq bailanystardy jáne strategiialyq seriktestikti nyǵaitýǵa erekshe mán berip otyrǵanyn aitty.
