Foto: Akorda.kz
Syrtqy ister ministrliginiń resmi ókili Aibek Smadiiarov Prezident Qasym-Jomart Toqaevtyń Ózbekstan prezidenti Shavkat Mirzieevpen kezdesýi nege Shymkentte ótkenin túsindirdi, - dep habarlaidy Tengrinews.kz saity.
Smadiiarovtyń aitýynsha, Shymkenttegi beiresmi kezdesýge qalanyń Ózbekstanmen shekarada ornalasýy sebep bolǵan.
"Bilesizder, Ózbekstan eń jaqyn seriktesterimizdiń biri jáne memleket basshylary Shymkentte kezdesýdi uiǵardy, óitkeni bul million halqy bar óte úlken qala jáne Ózbekstanmen shekarada ornalasqan. Bizde osy baǵyttaǵy saýda, tranzittik áleýet óte belsendi damyp keledi. Mádeni bailanystar. Sondyqtan, Qazaqstannyń basqa qalalarynda emes, Shymkentte bolǵany qisyndy", - dedi Aibek Smadiiarov vedomstvoda ótken brifing barysynda.
Eske salaiyq, 3 naýryzda Shymkentte Memleket basshysynyń Ózbekstan prezidenti Shavkat Mirzieevpen beiresmi kezdesýi ótti.
