Foto: Akorda.kz
Memleket basshysy Shymkent qalasynda Ózbekstan Prezidenti Shavkat Mirziioevpen beiresmi kezdesý ótkizdi, dep habarlaidy "Ult aqparat" Aqordanyń resmi saityna silteme jasap.
Qazaqstan men Ózbekstan prezidentteri eki el arasyndaǵy odaqtastyq qatynastardyń qazirgi jaǵdaiyn jáne ony nyǵaitý perspektivalaryn ózara senim, dostyq jáne tatý kórshilik rýhynda qarastyrdy.
Taraptar Qasym-Jomart Toqaevtyń byltyr jeltoqsan aiynda Tashkentke jasaǵan memlekettik saparynyń qorytyndysy boiynsha qol jetkizilgen ýaǵdalastyqtardyń júzege asyrylý barysyn talqylady.
Eki el basshylary saýda-ekonomikalyq yntymaqtastyq máselelerine erekshe nazar aýdardy. Atap aitqanda, ózara taýar ainalymyn arttyrý, investitsiia tartý, ónerkásip, energetika, aýyl sharýashylyǵy, kólik jáne logistika salalaryndaǵy qarym-qatynastardy damytý perspektivalary týraly sóz boldy.
Sonymen qatar Qasym-Jomart Toqaev pen Shavkat Mirziioev óńirlik kún tártibindegi ózekti máseleler jóninde pikir almasty.
