Qasym-Jomart Toqaev pen Gýrbangýly Berdimuhamedov keńeitilgen formatta ekijaqty kelissóz júrgizdi, dep habarlaidy "Ult aqparat" Aqordaǵa silteme jasap.
Eki el basshylary shaǵyn formatta ótken kezdesýden keiin kelissózdi resmi delegatsiia músheleriniń qatysýymen odan ári jalǵastyrdy.
Qazaqstan Prezidenti baýyrlas Túrikmenstanǵa jasaǵan alǵashqy memlekettik saparyna zor mán beretinin aitty.
– Bul oqiǵa – erekshe sipatqa ie, sondai-aq Qazaqstan men Túrikmenstan arasyndaǵy dostyq, tatý kórshilik qatynastardy jáne ózara qoldaý sharalaryn múlde jańa deńgeige kóterýge – ortaq maqsatqa qol jetkizýge baǵyttalǵan mańyzdy qadam, – dedi Memleket basshysy.
Qasym-Jomart Toqaev eki memlekettiń táýelsizdiginiń 30 jyldyǵynda ótip jatqan búgingi kezdesýdiń simvoldyq máni bar ekenine toqtalyp, qazaqstandyqtardyń atynan túrikmen halqyn osynaý mereili merekemen quttyqtady.
– Qazaqstan Túrikmenstannyń beibitsúigish saiasatyn jáne Sizdiń Ortalyq Aziia aimaǵynda da, eýraziialyq keńistikte de kooperatsiiany odan ári nyǵaitýǵa baǵyttalǵan bastamalaryńyzdy tolyq qoldaidy. Túrikmenstannyń syrtqy saiasaty turaqty yntymaqtastyqqa negizdelgen. BUU-nyń Bas Assambleiasy maquldaǵan Túrikmenstannyń beitarap el mártebesin qoldaimyz. Túrikmenstan jýyrda Kaspii – Avaza injý-marjandarynda Aimaq elderi basshylarynyń Konsýltativtik kezdesýin sátti ótkizdi. Kezdesý óte tabysty boldy jáne onyń Ortalyq Aziianyń barlyq eli arasyndaǵy yqpaldastyqqa tyń serpin bergeni sózsiz, – dedi Qazaqstan Prezidenti.
Budan bólek Qasym-Jomart Toqaev saýda-ekonomikalyq yntymaqtastyq qazaq-túrikmen kópjaqty bailanystarynyń negizgi ózegi sanalatynyn eske saldy.
– Jahandyq pandemiiaǵa bailanysty ekijaqty taýar ainalymy birshama tómendegenimen, biylǵy 8 aidyń qorytyndysy boiynsha ózara saýda-sattyqtyń ósimi 30 paiyzdan asqany baiqalady. Árine, bul - bizdiń múmkindikterimizdiń shegi emes. Sonymen qatar energetika, kólik jáne logistika, aýyl sharýashylyǵy, ónerkásip salalary boiynsha óte mol rezervimiz bar, – dedi Qazaqstan Prezidenti.
Qasym-Jomart Toqaev áriptesiniń 2022 jyly Túrikmenstannyń Qazaqstandaǵy Mádeni kúnderin ótkizý týraly usynysyn qoldady. Memleket basshysy elimizde túrikmen ónerpazdarynyń ónerin tolyq kórsetýine kepildik bere otyryp, bul oqiǵany mádeni-rýhani bailanystar salasyndaǵy mańyzdy baǵyt dep atap ótti.
Memleket basshysy jalpy quny 130 million dollardan asatyn taýardyń 60 túri boiynsha Túrikmenstanǵa tasymaldanatyn ónimderdi ulǵaitýǵa Qazaqstannyń daiyn ekenin jetkizdi.
– Bul mindetti oryndai alatynymyzǵa senimdimin. Atap aitqanda, biz aýyl sharýashylyǵy ónimderin, ásirese un men bidaidy naryqtyq baǵa boiynsha ózara tiimdi tasymaldaý isin arttyrýdyń perspektivasy bar ekenin kórip otyrmyz. Buǵan deiin Qazaqstan túrikmen tarapymen aradaǵy ýaǵdalastyq boiynsha qoljetimdi baǵada bidai eksportyn bastaǵan, – dedi Qasym-Jomart Toqaev.
Qazaqstan Prezidenti sóziniń sońynda kezdesý aiasynda talqylanǵan barlyq másele qazaq-túrikmen qatynastarynyń erekshe sipatqa ie, sondai-aq tatý kórshilik jáne ózara tiimdi yntymaqtastyqqa beiildigimizdiń jarqyn úlgisi ekenin atap ótti.
Kelissózder qorytyndysy boiynsha tómendegi qujattarǵa qol qoiyldy:
- Qazaqstan Respýblikasynyń Prezidenti Qasym-Jomart Toqaev pen Túrikmenstan Prezidenti Gýrbangýly Berdimuhamedovtiń birlesken málimdemesi;
- Qazaqstan Respýblikasy men Túrikmenstan arasynda Kaspii teńizindegi Qazaqstan-Túrikmenstan memlekettik shekarasyn mejeleý jáne balyq aýlaý aimaqtarynyń shektes ýchaskelerin bólý týraly shart;
- Qazaqstan Respýblikasynyń Úkimeti men Túrikmenstan Úkimeti arasyndaǵy Qazaqstan-Túrikmenstan memlekettik shekarasynyń rejimi týraly kelisim;
- Qazaqstan Respýblikasynyń Úkimeti men Túrikmenstan Úkimeti arasyndaǵy Azamattyq qorǵanys, tótenshe jaǵdailardyń aldyn alý jáne olardy joiý salasy boiynsha yntymaqtastyq týraly kelisim;
- Qazaqstan Respýblikasynyń Qorǵanys ministrligi men Túrikmenstannyń Qorǵanys ministrligi arasyndaǵy qorǵanys salasy boiynsha yntymaqtastyq týraly kelisim;
- Qazaqstan Respýblikasynyń Qarjy ministrligi men Túrikmenstannyń Memlekettik keden qyzmeti arasyndaǵy Qazaqstan Respýblikasy men Túrikmenstannyń arasynda ótkiziletin taýarlar men kólik quraldary týraly aldyn ala málimet almasýdy uiymdastyrý týraly kelisim;
- Qazaqstan Respýblikasynyń Aqparat jáne qoǵamdyq damý ministrligi men Túrikmenstannyń televiziia, radio jáne kinematografiia jónindegi memlekettik komiteti arasyndaǵy aqparat salasy boiynsha yntymaqtastyq ornatý týraly memorandým;
- Qazaqstan Respýblikasynyń Ekologiia, geologiia jáne tabiǵi resýrstar ministrligi men Túrikmenstannyń Aýyl sharýashylyǵy jáne qorshaǵan ortany qorǵaý ministrligi arasyndaǵy qorshaǵan ortany qorǵaý salasy boiynsha yntymaqtastyq týraly ózara túsinistik týraly memorandým;
- Qazaqstan Respýblikasy Indýstriia jáne infraqurylymdyq damý ministrligi men Túrikmenstannyń ministrler kabinetine qarasty Kólik jáne kommýnikatsiialar agenttiginiń «Túrkmenavtoolaglary» agenttigi arasyndaǵy halyqaralyq avtomobil tasymaldaryn damytý jónindegi ózara túsinistik týraly memorandým;
- Qazaqstan Respýblikasy Indýstriia jáne infraqurylymdyq damý ministrligi men Túrikmenstan Ministrler Kabinetine qarasty Kólik jáne kommýnikatsiialar agenttigi arasyndaǵy júkterdi jáne jolaýshylardy tasymaldaý men olardyń tranziti týraly ózara túsinistik týraly memorandým;
- Qazaqstan Respýblikasynyń Eńbek jáne halyqty áleýmettik qorǵaý ministrligi men Túrikmenstannyń Eńbek jáne halyqty áleýmettik qorǵaý ministrligi arasyndaǵy áleýmettik-eńbek salasy boiynsha yntymaqtastyq ornatý nietteri týraly memorandým;
- Qazaqstan Respýblikasy Aýyl sharýashylyǵy ministrligi men Túrikmenstannyń Aýyl sharýashylyǵy jáne qorshaǵan ortany qorǵaý ministrligi arasyndaǵy aýyl sharýashylyǵy salasy boiynsha yntymaqtastyq jónindegi ózara túsinistik týraly memorandým;
- Qazaqstan Respýblikasynyń Strategiialyq josparlaý jáne reformalar agenttiginiń Ulttyq statistika biýrosy men Túrikmenstan Memlekettik statistika komiteti arasyndaǵy yntymaqtastyq týraly memorandým;
- Qazaqstan Respýblikasynyń Mádeniet jáne sport ministrligi men Túrikmenstannyń Mádeniet ministrligi arasyndaǵy mádeniet salasyndaǵy yntymaqtastyq jónindegi ózara túsinistik týraly memorandým;
- Qazaqstan Respýblikasynyń Saýda jáne integratsiia ministrligi men Túrikmenstannyń Saýda jáne syrtqy ekonomikalyq bailanystar ministrligi arasyndaǵy saýda yntymaqtastyǵy jónindegi ózara túsinistik týraly memorandým;
- «Qazaqstan temir joly» ulttyq kompaniiasy» aktsionerlik qoǵamy men Túrikmenstan ministrler kabinetine qarasty «Türkmendemirýollary» kólik jáne kommýnikatsiia agenttigi arasyndaǵy temirjol kóligi salasy men konteinerlik tasymaldardy damytý salasy boiynsha yntymaqtastyqtyń negizgi qaǵidattary týraly memorandým;
- Qazaqstan Respýblikasy Prezidenti janyndaǵy Memlekettik basqarý akademiiasy men Túrikmenstan Prezidenti janyndaǵy Memlekettik qyzmet akademiiasy arasyndaǵy yntymaqtastyq týraly memorandým;
- «Ál-Farabi atyndaǵy Qazaq ulttyq ýniversiteti» kommertsiialyq emes aktsionerlik qoǵamy men Mahtýmkýli atyndaǵy Túrikmen memlekettik ýniversiteti arasyndaǵy ózara túsinistik týraly memorandým;
- «Ál-Farabi atyndaǵy Qazaq ulttyq ýniversiteti» kommertsiialyq emes aktsionerlik qoǵamy men Túrikmenstan Syrtqy ister ministrligine qarasty Halyqaralyq qatynastar institýty arasyndaǵy ózara túsinistik týraly memorandým;
- «Jusan Mobile» aktsionerlik qoǵamy men «Túrkmentelekom» elektr bailanysy kompaniiasy arasyndaǵy Túrikmenstan/Qazaqstan Respýblikasy shekarasynda kabeldik shekara ótkelin salý jáne elektr bailanysynyń aqparattyq kommýnikatsiialyq jelilerin túiistirý nieti týraly kelisim.
