Qazaqstan Prezidenti Armeniia Respýblikasynyń Premer-Ministri Nikol Pashinianmen telefon arqyly sóilesti, dep habarlaidy "Ult aqparat" Aqordaǵa silteme jasap.
Áńgimelesý barysynda Qasym-Jomart Toqaev pen Nikol Pashinian qazaq-armian yntymaqtastyǵyn odan ári tereńdetý sharalaryn talqylady jáne halyqaralyq kún tártibiniń ózekti máseleleri jóninde pikir almasty.
Memleket basshysy Eýraziialyq ekonomikalyq odaqqa múshe memleketterdiń syrtqy seriktestermen saýda qatynastaryn ornatý maqsatynda Odaqty damytýǵa belsendi yqpal etýge daiyn ekenin aitty.
Taraptar aldaǵy kezdesýler kestesin, atap aitqanda, biylǵy qazanda Erevan qalasynda ótkizýge josparlanǵan Joǵary eýraziialyq ekonomikalyq keńestiń otyrysyna daiyndyq barysyn qarastyrdy.
Telefon arqyly sóilesýge Armeniia jaǵy bastamashy boldy.
