Qazaqstan Prezidenti Qasym-Jomart Toqaev partiialyq-saiasi saladaǵy reformalardyń oń áseri týraly aitty, - dep habarlaidy Tengrinews.kz tilshisi.
Memleket basshysy óz sózinde partiialyq-saiasi salany jańǵyrtý basym baǵyttardyń biri ekenin atap ótti. Toqaevtyń aitýynsha, partiialyq jáne sailaý zańnamasyn liberalizatsiialaý biliktiń barlyq deńgeiinde qabyldanatyn sheshimderdegi qoǵam rólin kúsheitedi.
"Sailaýshylardyń daýysy úshin báseke kúsheie túsedi. Saiasi protsestiń dinamikasy men mazmuny ózgeretini sózsiz. Osyny eskere otyryp, elde jańa partiialar paida bolady, al burynnan bar partiialar óz qyzmetin azamattardyń ózekti úrdisteri men talaptaryna sáikes qaita qarap, qaita qura bastaidy. Biz jalpy partiialyq sala qozǵalysqa kele jatqanyn kórip otyrmyz. Bastalǵan ózgeristerdiń aiqyn kórsetkishi retinde Adal partiiasynyń Amanat partiiasymen birigýi týraly bastamasyn aitýǵa bolady", - dedi Memleket basshysy Amanat partiiasynyń sezi kezinde.
