Foto: Aqorda
Qazaqstan Prezidenti Qasym-Jomart Toqaev Palestina Memleketiniń Joǵary sýdiasy, Prezidenttiń din isteri jónindegi keńesshisi Mahmud ál-Habbashty qabyldady, dep habarlaidy Ult.kz.
Kezdesýde Memleket basshysy Qazaqstan men Palestina arasyndaǵy diplomatiialyq qatynas ornaǵannan beri yntymaqtastyqtyń dostyq jáne ózara qurmet negizinde damyp kele jatqanyn atap ótti.
Toqaevtyń aitýynsha, Qazaqstan Palestinany halyqaralyq qaýymdastyqtyń tolyq múshesi retinde taný bastamalaryn árdaiym qoldap keledi. Sondai-aq Prezident Taiaý Shyǵystaǵy ahýaldy diplomatiialyq jolmen retteýge, BUU Jarǵysy men halyqaralyq quqyq normalaryna sai «Qos halyq úshin eki memleket» qaǵidaty negizinde Palestina memleketin qurýdy qoldaitynyn málimdedi.
Mahmud ál-Habbash kezdesý kezinde Palestina Prezidenti Mahmud Abbastyń Toqaevqa joldaǵan hatyn tapsyrdy jáne Qazaqstannyń Palestina halqyna kórsetip kele jatqan turaqty qoldaýy úshin alǵys aitty. Ol Qazaqstandy Palestina úshin baýyrlas memleket dep atap, ekijaqty jáne kópjaqty formattaǵy (BUU, IYU) yntymaqtastyqty joǵary baǵalady.
Kezdesý sońynda Qasym-Jomart Toqaev Mahmud Abbasty Qazaqstanǵa resmi saparmen kelýge shaqyrdy.
