QR Prezidenti Qasym-Jomart Toqaev óziniń ekinshi Joldaýynda ekonomikalyq serpinge bastaityn jańa sharalardy usynatynyn málim etti, dep habarlaidy «Ult aqparat».
Bul týraly QR Prezidenti Qasym-Jomart Toqaev Úkimettiń keńeitilgen otyrysynda aitty.
«Búgin biz pandemiia kezinde ekonomikamyzdy damý jolyna shyǵaratyn mańyzdy ári osy kezeń úshin shuǵyl máselelerdi qarastyrdyq. Degenmen, ózimniń ekinshi Joldaýymda ekonomikalyq serpinge bastaityn jańa sharalardy usynatyn bolamyn», - dedi Memleket basshysy Úkimettiń keńeitilgen otyrysynda.
Sonymen birge, Prezident qazirgi daǵdarystyń shikizattyq sipatta ekonomikamyzǵa qaýipti ekenin jáne onyń barlyq atribýttary kórsetilgen jańa baǵyt kerektigin aitty.
Eske sala ketsek, Qasym-Jomart Toqaevtyń tóraǵalyǵymen Úkimettiń keńeitilgen otyrysy beinebailanys júiesi arqyly ótti.
Jiynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomikalyq damý qorytyndysy týraly esep berdi. Sondai-aq koronavirýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boiynsha bergen tapsyrmalary men mindetteri qarastyryldy.
