Foto: Aqordanyń baspasóz qyzmeti
Prezident Qasym-Jomart Toqaev órtten kóz jumǵan ormanshylardyń týystarynan keshirim surady, dep habarlaidy "Ult aqparat".
«Men sizderge kóńil aitý úshin arnaiy keldim. Ekinshiden, jan-jaqty kómek kórsetiletinin aitýǵa keldim. Qarjylai da, basqa da kómek kórsetiledi. Balalar balabaqshaǵa, JOO-ǵa ornalastyrylady – bári oryndalady. Men, árine, sizdermen birgemin. Sizder – elimizdiń azamatysyzdar.
Men sizder úshin jaýaptymyn. Men Memleket basshysy retinde bolǵan jaǵdai úshin keshirim suraimyn. Óte aýyr jaǵdai ekenin túsinemin. Asyraýshylaryńyzdy, otaǵasyn, eń jaqyn týystaryńyzdy joǵalttyńyzdar. Ókinishke qarai, ómirde mundai qaiǵyly jaittar bolady. Muny aqtaityn eshqandai sebep joq. Taǵy da aitamyn. Moraldyq jáne materialdyq kómek kórsetiledi» - dedi Toqaev.
Sondai-aq ol zardap shekken barlyq otbasyǵa jeke járdemaqy taǵaiyndalatynyn málimdedi.
«Zardap shekken barlyq otbasyǵa jeke járdemaqy taǵaiyndalady. Men sizderge ýáde beremin. Prezident janynan arnaiy qor qurylady. Zardap shekkenderge jeke kómek kórsetemin» - dedi Memleket basshysy.
Prezident aldaǵy kúnderi barlyq másele sheshiletinine ýáde berdi.
"Atqarýshylardyń barlyǵy osynda. Sizderdiń barlyq qajettiligińiz boiynsha tizim jasalady. Búgin – jeksenbi, kelesi aptada barlyq másele sheshiledi. Ótinishterińizdiń bári oryndalady, - dedi Toqaev.
video: QazAqparat
