QR Prezidenti Qasym-Jomart Toqaev 5 qyrkúiektegi jumys kestesine sáikes Torǵaiǵa jumys saparymen barady, dep habarlaidy Memleket basshysynyń baspasóz hatshysy Rýslan Jeldibai óziniń Facebook jelisindegi paraqshasynda.
"Buqaralyq aqparat quraldarynan «Qostanai oblysyndaǵy órtke bailanysty Memleket basshysynyń osy óńirge josparlanǵan sapary bola ma?», - degen saýaldar kelip jatyr.
Qalyptasqan jaǵdai Prezidenttiń jumys kestesine ózgeris engizbeidi - Memleket basshysy 5 qyrkúiek kúni Torǵaiǵa jumys saparymen barady.
Qazir Áýliekól aýdanyndaǵy órtti sóndirý úshin tiisti jumystar júrgizilip jatyr. Jaǵdaidy óńirge arnaiy barǵan Tótenshe jaǵdailar ministri Iýrii Ilin bastaǵan jedel top qadaǵalap otyr", - delingen habarlamada.
