Foto: Akorda.kz
Prezident Qasym-Jomart Toqaev Majarstan Premer-ministri Viktor Orbanǵa I dárejeli «Dostyq» ordenin tabys etti, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy saltanatty rásim barysynda Viktor Orbannyń ekijaqty qarym-qatynastardy damytýǵa jáne nyǵaitýǵa eleýli úles qosqanyn atap ótti.
– Búgingi joǵary deńgeidegi syndarly kelissózder bizdiń berik qarym-qatynasymyzdy tereńdetýge jáne strategiialyq seriktestikti jańa deńgeige kóterýge tyń serpin berdi. Halyqtarymyz arasyndaǵy dostyq arqaýyn jáne ózara tiimdi bailanystardy nyǵaitý isindegi airyqsha rólińizdi eskere otyryp, Sizdi I dárejeli «Dostyq» ordenimen marapattaý týraly sheshim qabyldadym. Bul – zor qurmet pen rizashylyqtyń belgisi. Sondai-aq Qazaqstan men Majarstannyń – dostas eki halyq birliginiń ári ózara senim men syilastyqqa negizdelgen qatynastardy nyǵaitýǵa degen nietimizdiń aiqyn kórinisi. Osy marapat yntymaǵymyzdy odan ári damytýǵa jáne ortaq igilik jolyndaǵy birlesken jumysymyzǵa septigin tigizetinine senimdimin, – dedi Prezident.
Qazaqstannyń joǵary nagradasymen marapattaǵany úshin Viktor Orban Qasym-Jomart Toqaevqa alǵys aityp, eki el arasyndaǵy strategiialyq seriktestikti odan ári nyǵaitýǵa bar kúshin jumsaýǵa daiyn ekenin málimdedi.
