«Nur Otan» partiiasynyń kezekten tys HHI sezinde QR Prezidenti Qasym-Jomart Toqaev partiia tóraǵasynyń birinshi orynbasary laýazymyn ózgertýdi usyndy, dep habarlaidy QazAqparat.
«Partiia qurylymyn qaita qarap jáne ońtailandyrý arqyly óziniń uiymdastyrýshylyq tiimdiligin arttyrýy kerek. Partiia apparatyn servistik modelge qarai qurýǵa basymdyq berilýi tiis»,- dedi QR Prezidenti.
Memleket basshysy partiianyń uiymdastyrýshylyq qurylymyn da qaita qaraý kerektigin basa aitty.
«Atap aitqanda, partiia tóraǵasynyń birinshi orynbasarynyń ornyna atqarýshy hatshy, sonymen qatar tiisti baǵyttar boiynsha ózge de hatshylar pozitsiiasyn qarastyrý kerek. Partiianyń janynan qurylǵan qoǵamdyq keńester ashyq jáne naqty alańdarǵa ainalýy, olarda eń ótkir taqyryptar boiynsha usynymdar ázirlenýi tiis. Olar ózekti problemalardy sheshýdiń is júzindegi shynaiy tetigine transformatsiialanýy qajet», - dedi Qasym-Jomart Toqaev.
