Prezident Qasym-Jomart Toqaev «Nur Otan» partiiasyna odan ary tóraǵalyq etýdiń oryndylyǵy týraly másele keiinirek talqylanatynyn málimdedi, - dep habarlaidy Tengrinews.kz agenttigi.
"Elimiz damýdyń óte kúrdeli kezeńine aiaq basqanyn túsine otyryp, men «Nur Otan» partiiasyn basqarý usynysyn rizashylyqpen qabyldaimyn. Bul sheshim partiiany transformatsiialaý jáne búkil qoǵamdy toptastyrý jónindegi jumysqa kirisýge daiyn ekeninen týyndady", - dedi Toqaev Nur Otan sezinde.
Toqaevtyń aitýynsha, Memleket basshysy retinde ol ashyq jáne ádil saiasi básekelestiktiń kepili bolady.
"Meniń konstitýtsiialyq mindetim – biliktiń barlyq tarmaǵynyń kelisilgen is-áreketin jáne memlekettik organdardyń halyq aldyndaǵy jaýapkershiligin qamtamasyz etý.
Bul jaǵdailar, árine, Prezidenttiń kez kelgen partiialar men qozǵalystardyń qyzmetinen alshaqtaýyn bildiredi. Sondyqtan biraz ýaqyttan keiin, múmkin jyl aiaǵyna qarai meniń «Nur Otan»-ǵa odan ary tóraǵalyq etýimniń oryndylyǵy týraly máselege qaita oralamyz. Memleket basshysynyń teńdessiz mártebesin saiasi reformalardyń aýqymdy paketinde túpkilikti bekitý qajet", - dep qosty Prezident.
