Qasym-Jomart Toqaev Nazarbayev University-ne bardy, dep habarlaidy "Ult aqparat" Aqordanyń resmi saityna silteme jasap.
Memleket basshysy joǵary oqý ornynyń bilim berý, ǵylymi-zertteý jumystarymen jáne ýniversitetti odan ári damytý strategiiasymen tanysty.
Qasym-Jomart Toqaevqa kampýsty, ǵylymi ortalyqtar men zerthanalardy damytý jospary kórsetildi. Sonymen qatar Qazaqstan Prezidentine ǵylym, densaýlyq saqtaý, tsifrlandyrý, aýyl sharýashylyǵy, ekologiia jáne sport salalaryndaǵy ártúrli bilim berý jobalary men baǵdarlamalary tanystyryldy. Ýniversitet osy jobalar men baǵdarlamalar arqyly Memleket basshysynyń bastamalaryn júzege asyrýǵa óz úlesin qosyp keledi.
Qasym-Jomart Toqaevqa ýniversitettiń sheteldik jetekshi ǵylymi, bilim berý ortalyqtarymen yntymaqtastyǵy, meditsina jáne innovatsiialyq klasterlerdiń jumystary, sondai-aq oqý orny túlekteriniń startap-jobalary jóninde málimet berildi.
Memleket basshysy Aqyldy júieler jáne jasandy intellekt institýtynyń jobalarymen jáne Energetikalyq ǵarysh zerthanasynyń qyzmetimen tanysty.
Oqý ornyn aralap kórgen Qasym-Jomart Toqaev stýdenttermen áńgimelesip, ýniversitettiń qurmetti qonaqtar kitabyna qoltańbasyn qaldyrdy.
