Foto: Akorda.kz
Prezident Qasym-Jomart Toqaev Naǵi Iliiasov aýylyna bardy, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Qasym-Jomart Toqaevtyń Qyzylorda oblysyna sapary Syrdariia aýdany Naǵi Iliiasov aýylynyń tynys-tirshiligimen tanysýdan bastaldy.
Qazaqstannyń Eńbek Eri, «Abzal jáne K» tolyq seriktestiginiń negizin qalaýshy Abzal Eraliev Prezidentke kásiporynnyń tabysty qyzmet etip, óńir boiynsha aýyl sharýashylyǵy salasyndaǵy jetekshi mekemege ainalǵanyn jetkizdi. Sonymen qatar ónimdi eńbektiń arqasynda týǵan ólkeniń damýyna turaqty qoldaý kórsetip kele jatqanyn aitty.
Prezident «Abzal jáne K» sharýashylyǵynyń demeýshiligimen salynǵan aýyldyń ortalyq alańyn, sport keshenin aralap kórdi. Sport kesheninde jergilikti halyq fýtbol, voleibol, ústel tennisi jáne kúres túrlerimen emin-erkin shuǵyldana alady.
Memleket basshysy sport kesheninde jetkinshektermen áńgimelesti.
– Sportpen shuǵyldaný kerek. Ásirese, ózderińiz siiaqty jastarymyzdyń deni saý, myqty azamat bolyp ósýi qajet. Sebebi Qazaqstannyń bolashaǵy – sizderdiń qoldaryńyzda. Jastardyń deni saý bolsa, memleket te qýatty bolady. Syr elinen myqty sportshylar shyqqan. Áli de kóptegen chempiondar shyǵady dep senemin, – dedi Qasym-Jomart Toqaev.
Sodan keiin Prezident byltyr ǵana boi kótergen «Eńbek alleiasynda» eńbek adamdarymen júzdesip, Qyzylorda oblysynyń damýyna basa mán beretinin atap ótti. Sondai-aq kúrdeli geosaiasi ahýal kezeńinde Qazaqstannyń órkendeýi jolynda elimizdi birlik tanytyp, eńbek etýge shaqyrdy.
– Shyn máninde, eńbek adamdary - halqymyz úshin eń qajet azamattar. Eń aldymen, biz eńbek adamdaryna qurmet kórsetýimiz kerek. Sizder osy aq kúrishtiń atasy – Ybyrai Jaqaevtyń jolyn jalǵap júrsizder. Sondyqtan men sizderdi qoldaimyn, – dedi Memleket basshysy.
Diqandar aýyl sharýashylyǵynyń damýyna airyqsha mán berip, memleket tarapynan qoldaý sharalaryn kóbeitkeni úshin Prezidentke alǵys aitty. Ásirese, Sý resýrstary ministrligin qurý jónindegi jańalyqty syr boiynyń diqandary qýana qabyldaǵanyn jetkizdi. Sonymen qatar olar aýylda jastarǵa jaily jaǵdai jasalǵanyna, jas mamandardyń el ishinde qyzý eńbek etip jatqanyna toqtaldy.
Qasym-Jomart Toqaev jastarymyzdyń eńbekqor, uqypty, otansúigish bolýy kerek ekenin jáne olarǵa árqashan qoldaý kórsetiletinin atap ótti.
– Aýylda jastardyń jumys isteýine, ómir súrýine qolaily jaǵdai jasalǵan. Osyndai aýyldardy kóbeitýimiz kerek. Oǵan shamamyz da, qarajatymyz da jetedi. Kásipkerlermen kezdeskenimde eldi mekenderge qarjy salyp, kómektesý kerek dep únemi aityp kelemin. Naǵi Iliiasov basqa aýyldarǵa da úlgi bolýy qajet. Sondyqtan ózge oblystar da aýyldardy osylai damytady dep oilaimyn, – dedi Memleket basshysy.
