Birlesken zertteýler júrgizý úshin jetekshi sheteldik ǵalymdardy tartý qajet. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Problemaly máselelerdiń biri zertteýler úshin qural-jadbyqtardyń jetkiliksizdigi bolyp otyr. Osy jyly meniń tapsyrammen institýttardy materialdyq-tehnikalyq jaraqtandyrý boiynsha jańa baǵdarlama ashyldy. Alaida ol tolyq qarjylandyrylmai otyr. Bul problemany sheshý qajet. Búginde áleýmettik, gýmanitarlyq, aýyl sharýashylyǵy ǵylymdary boiynsha myqty ǵalymdardyń óte tapshy ekendigi baiqalady. Ony birlesken zertteýler júrgizýge jáne doktoranttar men magistranttarǵa jetekshilik etý úshin jetekshi sheteldik ǵalymdardy tartý arqyly sheshýge bolady», - dedi Memleket basshysy.
QR Prezidentiniń atap ótýinshe, mundai tájiribe naqty ári qomaqty nátije ákelýi tiis.
«IRi otandyq kásiporyndardyń, kompaniialardyń tehnologiialyq alańdaryn JOO-larmen jáne zertteý institýttarymen bailanystyrý da mańyzdy. Úkimetten jáne sarapshylardan tiisti usynys ázirleýdi ótinemin. Qazaqstan ǵylymynyń tsifrlyq ekonijúiesin qalyptastyrý, ulttyq ǵylymi-saraptamalyq júieni, otandyq ǵalymdar bazasymen qazaqstandyq ǵylymi tsitata keltirýdiń indeksin qurý da mańyzdy. Memlekettik ákimshileý tiimdiligin arttyrý úshin salaaralyq úilestirýdi qamtamasyz etetin organ retinde Bilim jáne ǵylym ministrligin aiqyndaý qajet. Bul sharalar Parlament qabyrǵasynda qaralyp jatqan ǵylym týraly zańnamaǵa ózgerister toptamasynda kózdelýi tiis», - dep atap ótti Qasym-Jomart Toqaev.
