Qasym-Jomart Toqaev Ýhnaagiin Hýrelsýhtyń Mońǵoliia Prezidenti bolyp sailanýyna bailanysty quttyqtaý jedelhatyn joldady, dep habarlaidy "Ult aqparat" Memleket basshysynyń baspasóz qyzmetine silteme jasap.
– Cizdi Mońǵoliianyń Prezidenti laýazymyna sailanýyńyzben Qazaqstan halkynyń jáne jeke ózimniń atymnan shyn júrekten quttyqtaimyn!
Sailaýdaǵy aiqyn jeńisińiz memleketińizdiń damýyna qosqan mol úlesińiz ben qajyrly eńbegińizdiń nátijesi jáne mońǵol halqynyń ózińizge artqan úlken senimi dep bilemin. Osy rette, elińizdiń bolashaǵyn jarqyn, mereiin ústem etýge baǵyttalǵan bastamalaryńyz ben josparlaryńyzdyń árdaiym sátti júzege asatynyna kámil senemin.
Qazaqstan men Mońǵoliia arasyndaǵy ózara qurmet pen jan-jaqty yntymaqtastyqqa negizdelgen dástúrli qatynastardyń ópici keńeigenin erekshe atap ótemin. Halyqtarymyzdyń igiligi úshin ekijaqty jáne kópjaqty formattardaǵy áriptestigimizdi damytýda Sizben birge kúsh-jiger jumsaýǵa daiyn ekenimdi naqtylaimyn, – delingen jedelhatta.
Qasym-Jomart Toqaev Ýhnaagiin Hýrelsýhtyń asa jaýapty qyzmetine tolaǵai tabys, otbasyna baiandy baqyt tilep, dostas mońǵol halqynyń ósip-órkendei berýine tilektestik bildirdi.
