Prezident Qasym-Jomart Toqaev Angela Merkeldi Germaniianyń Birikken kúni merekesimen quttyqtady, dep habaralaidy "Ult aqparat" Aqordaǵa silteme jasap.
Memleket basshysy Qasym-Jomart Toqaev Germaniianyń Birikken kúni ulttyq merekesimen quttyqtap, Germaniia Federativtik Respýblikasynyń kantsleri Angela Merkelge jedelhat joldady.
Bir halyqty ekige bólgen Berlin qabyrǵasynyń buzylǵanyna 30 jyl tolýyna orai joldanǵan jedelhatta, bul tek bir memlekettiń birigýine ǵana emes, ajyrap qalǵan otbasylardyń, týǵan-týystardyń qaita qaýyshýyna jol ashty delingen.
«Bul tarihi oqiǵa tek Eýropanyń ǵana emes, álemniń tarihyn ózgertkeni sózsiz. Osy jyldar ishinde Germaniia qalpyna kelip, memleketti saiasi, ekonomikalyq, áleýmettik jaǵynan damytýda dúniejúzine úlgi boldy», – dep jazdy Qazaqstan Prezidenti.
Jedelhatta Qazaqstan men Germaniia arasynda qarym-qatynastar dostyq pen ózara qoldaý rýhynda qalyptasqanyna erekshe rizashylyq bildirilgen.
Qazaqstan Prezidenti eki el arasyndaǵy yntymaqtastyq barlyq salalar boiynsha jalǵasyn taýyp, halyqtar igiligi úshin odan ári nyǵaia beretinine senim bildiredi.
