Prezident Qasym-Jomart Toqaev Prezident Rejep Taiyp Erdoǵannyń shaqyrýymen Túrkiia Respýblikasyna memlekettik saparmen bardy, - dep habarlaidy "Ult aqparat" Aqorda baspasóz qyzmetine silteme jasap.
Qazaqstan Prezidentin Túrkiia astanasy "Esenboǵa" halyqaralyq áýejaiynda Túrkiianyń vitse-prezidenti Fýat Oktai, Ankara gýbernatory Vasip Shahin jáne basqa da birqatar resmi tulǵa kútip aldy.
Memleket basshysy Ankaradaǵy eki kúndik sapary barysynda Túrkiia Prezidenti Rejep Taiip Erdoǵanmen shaǵyn jáne keńeitilgen quramda kelissóz júrgizip, túrkiialyq iri biznes ókilderimen ótetin biznes forýmǵa qatysýy josparlanǵan.
Buǵan deiin Erdoǵan Qasym-Jomart Toqaevtyń 10-11 mamyrǵa josparlanǵan Túrkiiaǵa memlekettik sapary elder arasyndaǵy jan-jaqty strategiialyq seriktestikti keńeitýdegi mańyzdy kezeń bolady degen bolatyn.
