Prezident Qasym-Jomart Toqaev Memlekettik qyzmet isteri agenttiginiń tóraǵasy Darhan Jazyqbaevty qabyldady, - dep habarlaidy "Ult aqparat" Aqordaǵa silteme jasap.
Kezdesýde Memleket basshysyna agenttiktiń qazirgi atqaryp jatqan jumystary men aldaǵy jospary týraly baiandaldy.
Darhan Jazyqbaev memlekettik qyzmetke kirý úshin artyq kedergiler men tosqaýyldardy alyp tastaý jáne odan shyǵý tártibin jeńildetý, memlekettik qyzmettiń kez kelgen qazaqstandyqqa ashyq bolýyna qatysty usynystar berdi. Sonymen qatar, Prezidentke memlekettik apparattyń qyzmetin biýrokratiiadan aryltý jumystary jóninde aitty.
Agenttik tóraǵasy Prezidentke 2022-2023 jyldary "E-qyzmet" aqparattyq júiesin jańǵyrtý týraly josparyn usyndy. Onyń aitýynsha, biyl syrtqy portaldy qurý arqyly "E-qyzmet" bazasynda memlekettik qyzmetke irikteý jáne qabyldaý protsesi tolyq tsifrlandyrylady. Al 2023 jyly basqa da kadrlyq úderister, atap aitqanda, rotatsiia, taǵylymdama, biliktilikti arttyrý jáne basqa da qyzmetter avtomattandyrylady. Sonymen qatar, Darhan Jazyqbaev memlekettik qyzmet kórsetý sapasyn jetildirý barysyna da toqtaldy.
Vedomstvo basshysy agenttiktiń 2023 jyldan bastap memlekettik qyzmetke irikteýdi proktoring tehnologiiasyn qoldaný arqyly onlain túrde ótkizýdi josparlap otyrǵanyn jetkizdi. Sondai-aq, Qasym-Jomart Toqaevtyń baǵynyshty uiymdardy qysqartý jónindegi tapsyrmasy boiynsha "Memlekettik qyzmettegi personaldy basqarý ortalyǵynyń" AQ shtattyq birlikteri men biýdjetin saqtai otyryp, Memlekettik basqarý akademiiasynyń quramynda HR-institýtyn qurý týraly aitty.
Kezdesý barysynda Prezident memlekettik qyzmetke irikteý júiesin odan ári jetildirý, meritokratiia qaǵidatyn ilgeriletý jáne adamǵa baǵdarlanǵan servistik memlekettik apparat qalyptastyrý jóninde tapsyrmalar berdi.
