Foto: Akorda.kz
Memleket basshysy Jetinshi sailanǵan QR Parlamentiniń Májilisin taratý jáne QR Parlamenti Májilisi depýtattarynyń kezekten tys sailaýyn taǵaiyndaý týraly Jarlyqqa qol qoidy, dep habarlaidy "Ult aqparat" Aqordanyń resmi saityna silteme jasap.
«Qazaqstan Respýblikasy Konstitýtsiiasynyń 44-babynyń 2) tarmaqshasyna, 63-babynyń 1-tarmaǵyna, «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq zańynyń 85-babyna sáikes QAÝLY ETEMIN:
1. Jetinshi sailanǵan Qazaqstan Respýblikasy Parlamentiniń Májilisi taratylsyn.
2. Qazaqstan Respýblikasy Parlamenti Májilisi depýtattarynyń kezekten tys sailaýy 2023 jylǵy 19 naýryzǵa taǵaiyndalsyn.
3. Qazaqstan Respýblikasynyń Ortalyq sailaý komissiiasy Qazaqstan Respýblikasy Parlamenti Májilisi depýtattarynyń kezekten tys sailaýyna daiyndyqty jáne ony ótkizýdi uiymdastyrsyn.
4. Qazaqstan Respýblikasynyń Úkimeti, Astana, Almaty, Shymkent qalalarynyń jáne oblystardyń ákimderi Qazaqstan Respýblikasy Parlamenti Májilisi depýtattarynyń kezekten tys sailaýyn uiymdastyrýshylyq, materialdyq-tehnikalyq jáne qarjylyq qamtamasyz etý jónindegi barlyq qajetti sharalardy kidirissiz qabyldasyn.
5. Osy Jarlyq jariialanǵan kúninen bastap qoldanysqa engiziledi» - delingen Jarlyq mátininde.
