Premer-ministr Asqar Mamin Glazgoǵa baratyn qazaqstandyq delegatsiiany basqarady, - dep habarlaidy "Ult aqparat".
Prezidenttiń baspasóz hatshysy Berik Ýálidiń aitýynsha, Qasym-Jomart Toqaev premer-ministrge tapsyrma bergen.
"Prezident Qasym-Jomart Toqaev premer-ministr Asqar Maminge COP26 klimattyń ózgerýi jónindegi Birikken Ulttar Uiymynyń negizgi Konventsiiasyna qol qoiǵan elder konferentsiiasynyń 26-sessiiasyna qatysatyn Qazaqstan delegatsiiasyn basqaryp barýdy tapsyrdy. Jiyn Shotlandiianyń Glazgo qalasynda ótedi", - dep jazdy Berik Ýáli.
Klimattyń ózgerýine bailanysty BUU konferentsiiasynyń 26-sessiiasyn Ulybritaniia men Italiia 2021 jyldyń 31 qazan – 12 qarasha aralyǵynda Glazgodaǵy Shotlandiia kongress-ortalyǵynda uiymdastyrady.
Is-sharaǵa 200-ge jýyq elden delegat kelýi múmkin. Olar klimattyń odan ári ózgerýi men klimat áserin azaitý jónindegi sharalardy talqylaidy.
Is-shara bastapqyda 2020 jyldyń qarashasynda ótkizilýi kerek edi, alaida koronavirýsqa bailanysty keiinge qaldyryldy.
