پرەمەر-مينيستر اسقار مامين گلازگوعا باراتىن قازاقستاندىق دەلەگاتسييانى باسقارادى, - دەپ حابارلايدى "ۇلت اقپارات".
پرەزيدەنتتٸڭ باسپاسٶز حاتشىسى بەرٸك ۋەليدٸڭ ايتۋىنشا, قاسىم-جومارت توقاەۆ پرەمەر-مينيسترگە تاپسىرما بەرگەن.
"پرەزيدەنت قاسىم-جومارت توقاەۆ پرەمەر-مينيستر اسقار مامينگە COP26 كليماتتىڭ ٶزگەرۋٸ جٶنٸندەگٸ بٸرٸككەن ۇلتتار ۇيىمىنىڭ نەگٸزگٸ كونۆەنتسيياسىنا قول قويعان ەلدەر كونفەرەنتسيياسىنىڭ 26-سەسسيياسىنا قاتىساتىن قازاقستان دەلەگاتسيياسىن باسقارىپ بارۋدى تاپسىردى. جيىن شوتلاندييانىڭ گلازگو قالاسىندا ٶتەدٸ", - دەپ جازدى بەرٸك ۋەلي.
كليماتتىڭ ٶزگەرۋٸنە بايلانىستى بۇۇ كونفەرەنتسيياسىنىڭ 26-سەسسيياسىن ۇلىبريتانييا مەن يتالييا 2021 جىلدىڭ 31 قازان – 12 قاراشا ارالىعىندا گلازگوداعى شوتلاندييا كونگرەسس-ورتالىعىندا ۇيىمداستىرادى.
ٸس-شاراعا 200-گە جۋىق ەلدەن دەلەگات كەلۋٸ مٷمكٸن. ولار كليماتتىڭ ودان ەرٸ ٶزگەرۋٸ مەن كليمات ەسەرٸن ازايتۋ جٶنٸندەگٸ شارالاردى تالقىلايدى.
ٸس-شارا باستاپقىدا 2020 جىلدىڭ قاراشاسىندا ٶتكٸزٸلۋٸ كەرەك ەدٸ, الايدا كوروناۆيرۋسقا بايلانىستى كەيٸنگە قالدىرىلدى.
