Memleket basshysy Qasym-Jomart Toqaev Frantsiia Prezidentine quttyqtaý jedelhatyn joldady, - dep habarlaidy "Ult aqparat" Aqordaǵa silteme jasap.
Qasym-Jomart Toqaev Qazaqstan halqynyń jáne jeke óziniń atynan Emmanýel Makrondy Frantsýz Respýblikasynyń Prezidenti laýazymyna qaita sailanýymen quttyqtady.
Memleketimizdiń basshysy quttyqtaý jedelhatynda Emmanýel Makronnyń sailaýdaǵy aiqyn jeńisi Frantsiianyń ulttyq múddesin qorǵaý jáne eldi órkendetý jolyndaǵy onyń qajyrly qyzmetine halyqtyń bergen joǵary baǵasy men seniminiń aiǵaǵy dep atap ótken.
Qazaqstan Prezidenti eki el arasyndaǵy dástúrli dostyq pen ózara qoldaýǵa negizdelgen strategiialyq seriktestikke tyń serpin berý úshin ózara kúsh-jiger jumyldyrýǵa daiyn ekenin naqtylady.
"Osyǵan bailanysty Qazaqstan men Frantsiia arasyndaǵy san qyrly yqpaldastyqty nyǵaitý joldaryn talqylaý úshin ózara qolaily ýaqytta sizdi Qazaqstanǵa resmi saparmen kelýge shaqyramyn", - dedi Qasym-Jomart Toqaev.
Qazaqstan Prezidenti Frantsiia kóshbasshysyna sarqylmas kúsh-qýat jáne asa jaýapty qyzmetine sáttilik, al dostas frantsýz halqyna mol baqyt pen qut-bereke tiledi.
