Foto: Akorda.kz
Prezident Mádeniet jáne aqparat ministri Aida Balaevany qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysyna ministrliktiń qazirgi qyzmeti men alda atqaratyn jumystarynyń perspektivalary týraly baiandaldy.
Prezidentke ministrlikti qaita qurý nátijeleri, sondai-aq mádeniet, aqparat, din, etnosaralyq qatynastar, azamattyq qoǵam, otbasy jáne jastar saiasaty salalaryn damytýǵa baǵyttalǵan jańa jobalar jaiynda málimet berildi.
Aida Balaeva kreativti indýstriiany damytýǵa, kino jáne kitap salalaryn jetildirýge, sonymen qatar birqatar zań jobasyn ázirleýge qatysty jumys josparyn tanystyrdy.
Kezdesý sońynda Qasym-Jomart Toqaev ministrlikke atalǵan baǵyttardy odan ári ilgeriletý jóninde birqatar naqty mindet júktedi.
