Memleket basshysy Qasym-Jomart Toqaev Astanaǵa resmi saparmen kelgen Litva Respýblikasynyń Syrtqy ister ministri Gabrieliýs Landsbergisti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda saýda-ekonomikalyq jáne investitsiialyq yntymaqtastyqty nyǵaitýǵa basa mán berile otyryp, Qazaqstan men Litva qarym-qatynastaryn damytý perspektivalary, sondai-aq halyqaralyq uiymdar aiasyndaǵy is-áreket máselesi talqylandy.
Qasym-Jomart Toqaev Gabrieliýs Landsbergiske iltipat bildire otyryp, Litva elimizdiń Baltyq jaǵalaýy aimaǵy men Eýropalyq Odaqtaǵy basymdyqqa ie seriktesi ekenin atap ótti.
Kezdesýde úkimetaralyq yntymaqtastyqty jáne eki eldiń isker toptary arasynda kólik, logistika, qurylys jáne óńdeý ónerkásibi salalaryndaǵy is-áreketti jandandyrýdyń mańyzdylyǵy sóz boldy.
Óz kezeginde Gabrieliýs Landsbergis Qasym-Jomart Toqaevqa, Litva Prezidenti Gitanas Naýsedanyń júrekjardy sálemin jáne izgi tilegin jetkizdi. Sonymen qatar Litva Qazaqstandy Ortalyq Aziiadaǵy jetekshi saýda-ekonomikalyq seriktes retinde qarastyratynyn atap ótti.
Budan bólek, olar halyqaralyq kún tártibindegi ózekti máseleler jóninde pikir almasty.
