Foto: Akorda.kz
Memleket basshysy Qasym-Jomart Toqaev HHHI dúniejúzilik qysqy ýniversiadada tabysty óner kórsetken Qazaqstannyń stýdentter quramasyn quttyqtady, - dep habarlaidy "Ult aqparat" Aqorda saityna silteme jasap.
"Sizderdiń jarqyn jeńisterińiz kúlli jankúier qaýymǵa zor qýanysh syilady. Dúniejúzilik qysqy ýniversiadada sizder sheberlik pen jeńiske degen erik-jigerdiń biregei úlgisin kórsettińizder. Bairaqty básekede jastarymyz el senimin aqtap, altyn, kúmis jáne qola medaldarǵa ie boldy. Sportshylarymyzdyń mundai joǵary nátijege qol jetkizýine jattyqtyrýshylarymyz eleýli úles qosty. Elimizde buqaralyq jáne balalar sportyn damytýǵa barlyq jaǵdai jasalyp jatyr. Qurama komandamyzdyń Ýniversiada oiyndaryndaǵy tamasha óneri myńdaǵan jasty jigerlendirip, jeńisterge bastaityny anyq", – dep jazylǵan quttyqtaý hatta.
Prezident Qazaqstannyń stýdentter qurama komandasynyń biik belesterdi baǵyndyra berýine tilektestik bildirdi.
