Memleket basshysy Qasym-Jomart Toqaev Qyrǵyzstan Prezidenti Sadyr Japarovqa kóńil aitý jedelhatyn joldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaev Sadyr Japarovqa jáne qyrǵyz halqyna barsha qazaqstandyqtardyń jáne jeke óziniń atynan qyrǵyz-tájik shekarasynda bolǵan qaiǵyly oqiǵa saldarynan kóptegen jaýynger men beibit turǵyndardyń qaza tabýyna bailanysty kóńil aitty.
"Berik dostyq jáne tatý kórshilik qatynastardy saqtaý – bizdiń ortaq ári mańyzdy mindetimiz, sondai-aq óńirdiń turaqtylyǵy men qaýipsizdigi, beibit ómir qurý jolyndaǵy Ortalyq Aziiadaǵy barsha baýyrlas halyqtyń túbegeili múddesi. Qazaqstan kez kelgen daýly máseleni tek qana beibit jolmen jáne saiasi diplomatiialyq ádistermen sheshýdi jaqtaidy", – delingen jedelhatta.
Qazaqstan Prezidenti qyrǵyz halqyna myqty rýh, beibitshilik jáne baq-bereke tiledi.
