Memleket basshysy "Qazaqstan Respýblikasynyń Úkimeti men Belarýs Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly" Qazaqstan Respýblikasynyń Zańyna qol qoidy, - dep habarlaidy «Ult aqparat».
Kelisim sheńberinde taraptar óz memleketteriniń zańnamalaryna jáne halyqaralyq mindettemelerine sáikes kóshi-qon, ekinshi Tarap memleketiniń aýmaǵyndaǵy bir Tarap memleketi azamattarynyń quqyqtaryn qorǵaý salasyndaǵy yntymaqtastyqty, onyń ishinde aqparattyq ózara is-qimyldy júzege asyrady.
Kelisim Taraptar memleketteriniń kóshi-qon zańnamasy týraly, onyń ishinde kóshi-qon protsesterin retteý, qos azamattyq faktileriniń jolyn kesý, zańsyz kóshi-qonǵa qarsy kúresti uiymdastyrý, sondai-aq zańnamanyń kórsetilgen salalaryndaǵy ózgerister týraly almasýdy júzege asyrý úshin qolaily jaǵdailar jasaýdy kózdeidi. Parlament Qazaqstan men Belarýs arasyndaǵy kóshi-qon salasyndaǵy yntymaqtastyq týraly kelisimdi ratifikatsiialady.
Qujatqa 2019 jylǵy 25 qazanda Nur-sultan qalasynda qol qoiyldy.
Kelisim azamattyq týraly aqparat almasýǵa, zańsyz kóshi-qonmen kúresýge múmkindik beredi.
Naqty aitqanda, bul statistikalyq aqparat almasýǵa, azamattar týraly jeke aqparat alýǵa, eki el úkimetteriniń tájiribe almasýǵa jáne bir-birine praktikalyq kómek kórsetýge múmkindik beredi.
Sondai - aq, Qazaqstan men Belarýs azamattarynyń quqyqtyq mártebesin anyqtaý kerek.
Búgingi tańda ishki ister ministrligi 23 halyqaralyq kelisimdi bekitti, taǵy toǵyzy daiyndyq satysynda.
Osy kelisimniń nátijesinde aqparat almasý jaqsarady, adamdardy basqa elderge qaitarý máselesi sheshiledi, sheteldikterdiń Qazaqstanda bolý merzimi anyqtalady jáne qos azamattyqqa jol berilmeidi. Shart teris áleýmettik-ekonomikalyq quqyqtyq saldarǵa alyp kelmeidi, qosymsha qarajat talap etpeidi.
Aita keteiik, 2020 jyly 11 myńǵa jýyq etnikalyq qazaq tarihi otanyna oraldy. Eńbek jáne halyqty áleýmettik qorǵaý ministrliginiń habarlaýynsha, olarǵa qandas mártebesi berildi.
2020 jyldyń 1 qazandaǵy jaǵdai boiynsha, 10,9 myń adam Qazaqstanǵa, túpki otanyna oraldy.
Aita keteiik, 1991 jyldan beri elge bir million 68,3 myń etnikalyq qazaq oralǵan.
Resmi derekterge sáikes, 2020 jyly Qazaqstanǵa kelgen qandastardyń jartysynan kóbi Qytaidan keldi. Sonymen qatar 27,7%-i – Ózbekstannan, 9,1% – Túrikmenstannan, 3,4% – Mońǵoliiadan jáne basqa da elderden 2,9%-i kelgen.
Otanyna oralǵan etnikalyq qazaqtar Almaty jáne Mańǵystaý oblystaryna, Nur-Sultan jáne Shymkent qalalaryna qonystanyp jatyr. Kelgen qandastardyń 10,3%-i – zeinet jasyndaǵy azamattar, al basym bóligi eńbekke qabiletti jandar.
2020 jyldyń 1 aqpandaǵy jaǵdai boiynsha el halqynyń sany 18, 6 million adamdy qurady, onyń ishinde qalalyq 58,5%, aýyldyq - 41,5%. 2019 jyldyń 1 aqpanmen salystyrǵanda halyq sany 1,3% - ǵa ósti. Qarastyrylyp otyrǵan kezeńde eń úlken jalpy ósim elimizdiń 3 óńirinde baiqaldy: Almaty q., Nur-sultan qalasy jáne Túrkistan oblysynda. Sońǵy 16 jylda túrli baǵdarlamalar boiynsha aýyldardy damytýǵa memleket eki trillion teńgege jýyq qarajat bóldi.
Esterińizge sala keteiik, Memleket basshysy "Qazaqstan Respýblikasynyń Úkimeti men Belarýs Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly" Qazaqstan Respýblikasynyń Zańyna qol qoidy. Kelisim azamattyq týraly aqparat almasýǵa, zańsyz kóshi-qonmen kúresýge múmkindik beredi.
