Qazaqstanda azamattardyń kóshege shyǵyp, narazylyǵyn bildirýge ruqsat beretin arnaiy zań qabyldanady. Bul týraly Memleket basshysy Qasym-Jomart Toqaev Euronews basylymyna bergen suqbatynda aitty, dep habarlaidy Sputnik Qazaqstan.
Kóshege shyǵýǵa ruqsat etiledi
Toqaev kóshedegi zańsyz mitingter men aktsiialardyń barlyǵyna tosqaýyl qoiylatynyn atap ótti. Biraq, onyń aitýynsha, zań ázirlenip, qazaqstandyqtarǵa kóshege shyǵyp, óz pikirin bildirýge ruqsat etiledi.
"Bas prokýratýra kóshelerdegi sherýlerdiń zańsyzdyǵy týraly talai márte eskertti. Zańsyz miting, tártipsizdik mundai aktsiialarǵa qatysqysy kelmeitin adamdarǵa da kedergi keltiredi emes pe. Sondyqtan zań ázirlenedi. Narazylyq sherýine shyǵyp, óz pikirin aitqysy keletinder tiisti instantsiiaǵa júginedi. Ol adamdarǵa jinalyp, oi-pikirlerin bildirý úshin arnaiy oryn bólinedi", - dedi Prezident.
Al prezident sailaýy kúni jáne odan keiingi zańsyz mitingter kezinde ustalǵandarmen bas prokýratýra ainalysyp jatyr.
"Eger olardyń arasynda qoǵamdyq qaýipsizdikke aitarlyqtai ziian keltirmegen adamdar bolsa, olar taiaý arada bosatylady, árine. Maǵan olardyń arasynda kezdeisoq ustalǵandar da bolǵanyn habarlady. Biz olardy tez arada bosatamyz. Bul másele sheshiledi", - dep sendirdi Toqaev.
Ashyq sailaýǵa barlyq jaǵdai jasaldy
Memleket basshysy kezekten tys prezident sailaýyn ótkizý kezinde keibir ýchaskelerde zań buzylǵan bolýy múmkin ekenin aitty. Biraq, onyń pikirinshe, sailaý jalpy alǵanda ashyq ári ádil ótken.
"Ashyq sailaý ótkizýge barlyq jaǵdai jasaldy. Keibir ýchaskelerde zań buzýshylyqtar bolǵan bolýy múmkin. Biz tolyq taldaý júrgizemiz, árine, eger rastalyp jatsa, uiymdastyrýshylyq sharalary qolǵa alynady", - dedi ol.
Prezidenttiń aitýynsha, sailaý ádil ótken joq dep qana aitqandar bosatylady.
"Árine, olar bosatylady, sebebi bul olardyń pikiri. Al men, máselen, sailaý, jalpy alǵanda, ádil boldy dep sanaimyn, bar bolǵany osy", - dedi Memleket basshysy.
Toqaev bilik pen halyq arasyndaǵy dialogty jolǵa qoiý qajet dep sanaidy. Bul úshin onyń tapsyrmasymen qoǵamdyq senim komiteti quryldy.
"Adamdar kóshege narazylyqtaryn bildirip shyqty. Qazir olardyń talaptaryna taldaý júrgizilip jatyr, negizinen bul áleýmettik sipattaǵy talaptar. Meniń mindetim – osy talaptardy saralap, zerttep-zerdeleý. Kóshege shyqqan adamdardyń neni qalaitynyn bilýimiz kerek", - dedi Prezident.
Toqaev óz saiasatynda jastardy bilikke tartýǵa jáne memlekettik mańyzdaǵy máselelerdi sheshýge basymdyq beretinin qadap aitty.
