Qos azamattyǵy bar memlekettik qyzmetshilerge jazany qatańdatý qajet siiaqty. Bul týraly Ulttyq qoǵamdyq senim keńesiniń 5-otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Qazaqstan qos azamattyqqa tyiym salynǵan kóptegen elderdiń tobyna kiredi. Tiisti norma Konstitýtsiiamyzda da bar. Degenmen sońǵy ýaqytta tipti memlekettik qyzmetshilerde qos azamattyqtyń bar ekendigi týraly faktilerdi jii tirkep júrmiz. Buǵan belgili sebeptermen jol berýge bolmaidy. Bul óte baiypty másele. Óitkeni, ulttyq qaýipsizdigimizge qatysty. Mundai faktilerdiń jolyn kesý qajet», - dedi Qazaqstan Prezidenti.
Memleket basshysy ótken jylǵy Qazaqstan halqyna Joldaýynda qos azamattyǵy bar memlekettik qyzmetshilerdi, kvazimemlekettik uiymdardyń basshylaryn laýazymdy qyzmetinen bosatý týraly tapsyrma bergendigin eske salyp ótti.
«Úkimet pen Memlekettik qyzmet isteri jónindegi agenttikte atqarylǵan jumystyń nátijeleri týraly baiandaýdy ótinemin. Mundai zań buzýshylyqtar úshin jaýapkershilikti munan da qatańdatý talap etiletin siiaqty», - dedi Qasym-Jomart Toqaev.
