Qazaqstan Prezidenti Qasym-Jomart Toqaev birqatar memlekettik organ basshylarymen keńes ótkizdi, dep habarlaidy Aqordanyń baspasóz qyzmeti.
Keńes barysynda Densaýlyq saqtaý ministri Eljan Birtanov Qasym-Jomart Toqaevqa Dúniejúzilik densaýlyq saqtaý uiymy koronavirýsty pandemiia dep jariialaǵannan keiingi álemdegi ahýal jaiynda baiandady. Sondai-aq, ministr DDSU-nyń indetke qarsy kúreske qatysty usynystary, sondai-aq, Qazaqstan azamattarynyń qaýipsizdigin qamtamasyz etýge bailanysty qabyldanyp jatqan sharalar týraly málimet berdi.
Qazaqstan Prezidenti Úkimetke jáne basqa memlekettik organdarǵa virýstyń elimizge enýine jáne taralýyna jol bermeý sharalaryn qatańdatý jóninde birqatar naqty tapsyrma berdi. Atap aitqanda, jappai mádeni jáne sporttyq sharalar, konferentsiialar men kórmeler ótkizýge ýaqytsha tyiym salynady. Halyq kóp shoǵyrlanatyn jerlerde, saýda ortalyqtary men bazarlarda, qoǵamdyq tamaqtaný oryndarynda, vokzaldar men áýejailarda qatań sanitarlyq rejim engiziledi. Mektepterdegi kóktemgi demalys 2020 jyldyń 16 naýryzynan bastalady. Joǵary oqý oryndary qashyqtan oqytý ádisine kóshiriledi. Halyqaralyq áýe tasymalyna qatysty da qosymsha shekteý sharalary qabyldanady.
Qasym-Jomart Toqaev halyqty azyq-túlikpen jáne eń qajetti taýarlarmen úzdiksiz qamtamasyz etý máselesin erekshe atap ótti. Prezident shekteý sharalarynan shaǵyn jáne orta biznestiń zardap shekpeýi tiis ekenin aitty.
