Foto: Aqorda
Memleket basshysy Qorǵanys ministri Rýslan Jaqsylyqovty qabyldady, - dep habarlaidy «Ult aqparat» Aqordaǵa silteme jasap.
QR Qarýly Kúshteriniń Joǵarǵy Bas qolbasshysyna qorǵanys vedomstvosynyń biylǵy birinshi jartyjyldyqta atqarǵan jumystary týraly baiandaldy.
Qasym-Jomart Toqaevqa halyqaralyq oqý-jattyǵý jiyndarynyń nátijeleri, jaýyngerlik daiyndyqqa jańa ádister engizý jóninde málimet berildi. Sondai-aq qarýly kúshterdiń jaýyngerlik jáne jumyldyrý ázirligine qatysty buǵan deiin berilgen tapsyrmalardyń oryndalý barysy jaiynda aityldy. Zamanaýi qarý-jaraqpen jáne áskeri tehnikalarmen qamtamasyz etý, qorǵanys infraqurylymyn damytý, áskeri-patriottyq jumystardy kúsheitý máselelerine erekshe nazar aýdaryldy.
Rýslan Jaqsylyqov áskeri qyzmetshiler men zeinetkerlerdi áleýmettik turǵydan qoldaýdy arttyrý sharalary týraly aitty.
Kezdesý sońynda Joǵarǵy Bas qolbasshy Qorǵanys ministrine Qazaqstan Respýblikasy Qarýly Kúshteriniń áleýetin odan ári damytýǵa baǵyttalǵan birqatar tapsyrma berdi.
