Memleket basshysy Qasym-Jomart Toqaev Koreia Respýblikasynyń prezidenti Iýn Sok Ëlge Seýlde bolǵan qaiǵyly oqiǵa saldarynan kóptegen adam qaza tabýyna bailanysty kóńil aitty, - dep habarlaidy "Ult aqparat" Aqordanyń baspasóz qyzmetine silteme jasap.
"Seýl qalasynyń Itevon aýdanynda kóptegen adamnyń qaza tapqany jónindegi sýyt habardy tereń kúizelispen qabyldadym. Qazaqstan halqynyń jáne jeke ózimniń atymnan qaitys bolǵandardyń jaqyndary men týystarynyń qaiǵylaryna ortaqtasyp, kóńil aitamyn. Al jaraqat alǵandardyń tezirek saýyǵyp ketýine tilektestik bildiremin. Osyndai aýyr sátte elimizdiń azamattary jáne ózim Koreia halqynyń orny tolmas qaiǵysyn bólisip, olarmen birge ekenimizdi aitqym keledi", - delingen jedelhatta.
Aita keteiik, Seýlde senbi tústen keiin 100 000-ǵa jýyq adam Helloýinniń alǵashqy demalysyn atap ótý úshin oiyn-saýyq aýdanynda jinalǵan. Toilaý kezinde qysym saldarynan 151 adam qaitys bolyp, 82 adam jaralanǵany habarlanǵan bolatyn. Keiinirek qaza bolǵandar arasynda qazaqstandyq ta bar ekeni belgili boldy.
