Memleket basshysy Qasym-Jomart Toqaev Konrad Adenaýer atyndaǵy qordyń Qazaqstandaǵy ókildiginiń direktory Tomas Helmdi qabyldady, dep habarlaidy Aqorda.
Kezdesýde Tomas Helm Memleket basshysyna Qordyń Qazaqstandaǵy qyzmetiniń negizgi baǵyttary, júzege asyryp jatqan jobalary men uiymnyń elimizben aradaǵy yntymaqtastyǵynyń perspektivasy jaiynda aitty.
Ókildik basshysy Qazaqstandaǵy tsifrlandyrý, energetika, dýaldi bilim berý, buqaralyq aqparat quraldary salalaryn damytýǵa, sondai-aq, jergilikti ózin-ózi basqarý jumysyn jetildirýge qatysty óz oiymen bólisti.
Qasym-Jomart Toqaev Tomas Helmge óziniń jýyrda Germaniiaǵa jasaǵan saparynyń nátijeleri týraly aityp, Qazaqstannyń atalǵan elmen jan-jaqty yqpaldastyqty nyǵaitýǵa basa mán beretinin atap ótti.
