مەملەكەت باسشىسى قاسىم-جومارت توقاەۆ كونراد ادەناۋەر اتىنداعى قوردىڭ قازاقستانداعى ٶكٸلدٸگٸنٸڭ ديرەكتورى توماس حەلمدٸ قابىلدادى, دەپ حابارلايدى اقوردا.
كەزدەسۋدە توماس حەلم مەملەكەت باسشىسىنا قوردىڭ قازاقستانداعى قىزمەتٸنٸڭ نەگٸزگٸ باعىتتارى, جٷزەگە اسىرىپ جاتقان جوبالارى مەن ۇيىمنىڭ ەلٸمٸزبەن اراداعى ىنتىماقتاستىعىنىڭ پەرسپەكتيۆاسى جايىندا ايتتى.
ٶكٸلدٸك باسشىسى قازاقستانداعى تسيفرلاندىرۋ, ەنەرگەتيكا, دۋالدٸ بٸلٸم بەرۋ, بۇقارالىق اقپارات قۇرالدارى سالالارىن دامىتۋعا, سونداي-اق, جەرگٸلٸكتٸ ٶزٸن-ٶزٸ باسقارۋ جۇمىسىن جەتٸلدٸرۋگە قاتىستى ٶز ويىمەن بٶلٸستٸ.
قاسىم-جومارت توقاەۆ توماس حەلمگە ٶزٸنٸڭ جۋىردا گەرمانيياعا جاساعان ساپارىنىڭ نەتيجەلەرٸ تۋرالى ايتىپ, قازاقستاننىڭ اتالعان ەلمەن جان-جاقتى ىقپالداستىقتى نىعايتۋعا باسا مەن بەرەتٸنٸن اتاپ ٶتتٸ.
