Memleket basshysy Túrki akademiiasynyń prezidenti Darhan Qydyrálini qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa Halyqaralyq Túrki akademiiasynyń atqaryp jatqan jumystary men aldaǵy jospary týraly baiandaldy. Ahmet Baitursynulynyń 150 jyldyq, Muhtar Áýezovtiń 130 jyldyq mereitoilary aiasynda halyqaralyq uiymdarmen birlesip, joǵary deńgeide ótkiziletin is-sharalar jaily málimet berildi.
Sonymen qatar Prezidentke Halyqaralyq Túrki akademiiasy shyǵarǵan «Túrki álemi atlasy» men bes myń jyldyq antropologiialyq tarihymyzdy baiandaityn kitaptar tanystyryldy.
Qasym-Jomart Toqaev Halyqaralyq Túrki akademiiasynyń bastamalaryna joǵary baǵa berip, osy baǵyttaǵy jumystardy jalǵastyrýdy tapsyrdy.
