Foto: Aqorda
Astanada «Beibitshilik pen quqyqqa negizdelgen bolashaq» atty halyqaralyq forým aiasynda Prezident Qasym-Jomart Toqaev birqatar elderdiń konstitýtsiialyq qadaǵalaý organdarynyń jetekshilerimen kezdesti, dep habarlaidy Ult.kz.
Basqosýǵa Venetsiia komissiiasynyń prezidenti Kler Bazi Malori, BAÁ Joǵarǵy federaldyq sotynyń tóraǵasy Muhammed ál Badi ál Zahri, Afrika konstitýtsiialyq iýrisdiktsiia organdary konferentsiiasynyń tóraǵasy Liýk Malaba jáne Mońǵoliia Konstitýtsiialyq sotynyń tóraǵasy Baiasgalan Gýngaa qatysty.
Memleket basshysy Konstitýtsiianyń qabyldanǵanyna 30 jyl tolǵanyn atap ótip, onyń eldegi turaqtylyq pen damý úshin mańyzdy ról atqaratynyn aitty. Sondai-aq Qazaqstanda júrgizilgen saiasi jáne konstitýtsiialyq reformalardyń nátijesinde ókildi biliktiń róli kúsheiip, Konstitýtsiialyq sottyń qaita qurylýy ádil sot tóreligine keń jol ashqanyn jetkizdi.
Prezident jýyrdaǵy Joldaýynda belgilengen basymdyqtardy da atap ótti. Onyń aitýynsha, Qazaqstan tehnologiialyq turǵydan ozyq elge ainalýdy maqsat etip otyr. Jasandy intellektini keńinen qoldaný men jappai tsifrlandyrý ulttyq ideiaǵa ainalatynyn málimdedi.
Toqaev Parlament júiesindegi ózgeristerge de toqtaldy. Ol «Kúshti Prezident – yqpaldy Parlament – esep beretin Úkimet» qaǵidatynyń saqtalatynyn jáne ulttyq mańyzdy máseleler referendým arqyly sheshiletinin aitty.
Forým qonaqtary Qazaqstandaǵy reformalarǵa oń baǵa berip, halyqaralyq yntymaqtastyqtyń jańa múmkindikterin atap ótti.
Kezdesý sońynda Qasym-Jomart Toqaev sheteldik áriptestermen yntymaqtastyqty jalǵastyrýǵa nietti ekenin bildirdi.
