QR Prezidenti ushaq apaty kezinde aýyzbirshilik tanytqan jurtqa alǵys aitty, dep habarlaidy "Ult aqparat".
«Qiyn sátte qutqarýshylarǵa kómek qolyn sozǵan Almaty oblysy Gúldala aýylynyń turǵyndaryna alǵys aitamyn. Olar tamaq daiyndap, ystyq shai taratty. Almatylyq donorlarǵa kóp raqmet. Halqymyz taǵy da qiyn sátte aýyzbirshiligin, árqashan járdem berýge ázir turatyndaryn kórsetti» delingen Memleket basshysy Twitter-degi paraqshasynda jariialaǵan habarlamada.
Aita keteiik, keshe Almatyda 500 adam Bek Air ushaǵy apatynan aman qalǵan adamdar úshin qan tapsyrdy. Sondai-aq, Gúldala aýylynyń turǵyndary ushaq qulaǵan jerde jumys istep jatqan qutqarý qyzmetiniń mamandaryna ystyq tamaq berý sharasyn uiymdastyrdy.
