Qazaqstan Prezidenti «Habar» Agenttigi» AQ basqarma tóraǵasy Berik Ýálidi qabyldady, - dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa «Habar» Agenttigi» AQ quramyndaǵy telearnalardyń jumysy týraly baiandaldy.
Berik Ýáli Memleket basshysyna aldaǵy kezeńde iske qosýǵa josparlanǵan jobalar men aqparattyq, qoǵamdyq-saiasi, tanymdyq baǵyttaǵy kontentter jasaý jóninde aitty.
Sonymen qatar Prezidentke Agenttikti tehnikalyq jaǵynan jańǵyrtý jospary týraly málimet berildi.
Áńgimelesý sońynda Qasym-Jomart Toqaev memlekettik aqparattyq saiasatty júzege asyrýda Agenttiktiń mańyzdy ról atqaratynyn atap ótip, «Habar» telearnalar tobynyń jumysyn zaman talabyna sáikestendirýdi tapsyrdy.
