Qazaqstan Prezidenti Qasym-Jomart Toqaev kelesi aptada Ońtústik Koreiaǵa sapar shegedi, dep habarlaidy "Ult aqparat".
"16-17 tamyzda Qazaqstan prezidenti Qasym-Jomart Toqaev prezident Mýn Chje Inniń shaqyrýymen Koreia Respýblikasyna memlekettik saparmen barady", - dep jazdy prezidenttiń baspasóz hatshysy Berik Ýáli.
Sapar aiasynda joǵary deńgeide kelissózder ótip, memleket basshylary eki el arasyndaǵy strategiialyq áriptestikti odan ári damytýdyń perspektivalaryn qarastyrmaq.
Kezdesý qorytyndysy boiynsha birlesken málimdeme qabyldanyp, úkimetaralyq qujattarǵa qol qoiylady dep josparlanǵan. Qazaqstan prezidenti Seýlge sapary aiasynda Koreianyń iri kompaniialarynyń basshylarymen, belgili saiasi qairatkerlermen kezdesýler ótkizedi.
Sonymen qatar Qazaqstandaǵy investitsiialyq jobalardy júzege asyrý boiynsha birqatar kommertsiialyq kelisim-shart jasalady. Prezident Qasym-Jomart Toqaev Seýl qalasynda Abai eskertkishiniń ashylý rásimine de qatysady dep josparlanǵan.
