قازاقستان پرەزيدەنتٸ قاسىم-جومارت توقاەۆ كەلەسٸ اپتادا وڭتٷستٸك كورەياعا ساپار شەگەدٸ, دەپ حابارلايدى "ۇلت اقپارات".
"16-17 تامىزدا قازاقستان پرەزيدەنتٸ قاسىم-جومارت توقاەۆ پرەزيدەنت مۋن چجە يننٸڭ شاقىرۋىمەن كورەيا رەسپۋبليكاسىنا مەملەكەتتٸك ساپارمەن بارادى", - دەپ جازدى پرەزيدەنتتٸڭ باسپاسٶز حاتشىسى بەرٸك ۋەلي.
ساپار اياسىندا جوعارى دەڭگەيدە كەلٸسسٶزدەر ٶتٸپ, مەملەكەت باسشىلارى ەكٸ ەل اراسىنداعى ستراتەگييالىق ەرٸپتەستٸكتٸ ودان ەرٸ دامىتۋدىڭ پەرسپەكتيۆالارىن قاراستىرماق.
كەزدەسۋ قورىتىندىسى بويىنشا بٸرلەسكەن مەلٸمدەمە قابىلدانىپ, ٷكٸمەتارالىق قۇجاتتارعا قول قويىلادى دەپ جوسپارلانعان. قازاقستان پرەزيدەنتٸ سەۋلگە ساپارى اياسىندا كورەيانىڭ ٸرٸ كومپانييالارىنىڭ باسشىلارىمەن, بەلگٸلٸ ساياسي قايراتكەرلەرمەن كەزدەسۋلەر ٶتكٸزەدٸ.
سونىمەن قاتار قازاقستانداعى ينۆەستيتسييالىق جوبالاردى جٷزەگە اسىرۋ بويىنشا بٸرقاتار كوممەرتسييالىق كەلٸسٸم-شارت جاسالادى. پرەزيدەنت قاسىم-جومارت توقاەۆ سەۋل قالاسىندا اباي ەسكەرتكٸشٸنٸڭ اشىلۋ رەسٸمٸنە دە قاتىسادى دەپ جوسپارلانعان.
