Qazaqstan Prezidenti «Qazmunaigaz» UK aktsionerlik qoǵamynyń basqarma tóraǵasy Alik Aidarbaevty qabyldady, dep habarlaidy Aqordanyń baspasóz qyzmeti.
Memleket basshysyna ulttyq munai-gaz kompaniiasynyń 2019 jylǵy jumystarynyń qorytyndylary jáne aldaǵy kezeńge arnalǵan damý josparlary jóninde baiandaldy.
Qasym-Jomart Toqaevqa «Qazmunaigaz» UK aktsionerlik qoǵamynyń qatysýymen júzege asyrylyp jatqan iri investitsiialyq jobalar, álemniń kóptegen eline koronavirýs indetiniń taralýyna bailanysty kompaniianyń qabyldaǵan sharalary týraly málimet berildi. Sonymen qatar kompaniiada qyzmetkerlerdiń sheteldik issaparlaryna shekteý qoiylyp, óndiris oryndary men ofisterde aldyn alý sharalary qabyldanǵan.
Memleket basshysy virýstyń óndiris úderisine jáne investitsiialyq jobalardyń júzege asyrylýyna keri áserin azaitý jóninde sharalar qabyldaýdy tapsyrdy.
