Prezident Qasym-Jomart Toqaev "Qazatomónerkásip" UAK" AQ basqarma tóraǵasy Ǵalymjan Pirmatovty qabyldady, – dep habarlady Aqordanyń baspasóz qyzmeti.
Kezdesý kezinde Ǵalymjan Pirmatov memleket basshysyna ýran óndirýshi kompaniianyń 2019 jylǵy jumysynyń negizgi qorytyndylary jáne ony damytýǵa arnalǵan aldaǵy josparlary týraly baiandady.
"Qazatomónerkásip" UAK" aktsionerlik qoǵamynyń basqarma tóraǵasy ujymdyq basqarý, eńbekti jáne qorshaǵan ortany qorǵaý máseleleri kompaniia jumysynyń basym baǵyty ekenin atap ótti.
Sonymen qatar Qasym-Jomart Toqaevqa kompaniia óziniń óndiristik jáne qarjylyq maqsattaryn tabysty júzege asyrýynyń arqasynda álemde ýran satý boiynsha qatarynan ekinshi jyl kóshbasshylyq ornyn saqtap qalǵany jaiynda málimet berildi.
