Memleket basshysy Qasym-Jomart Toqaev Qazaqstan halqyn Ramazan aiynyń bastalýymen quttyqtady, - dep habarlaidy "Ult aqparat" Aqordanyń resmi saityna silteme jasap.
"Qurmetti otandastar! Sizderdi kúlli musylman qaýymy úshin qasietti Ramazan aiynyń bastalýymen shyn júrekten quttyqtaimyn! Osy kúnderde azamattarymyz rýhani tazaryp, jan dúniesin jańǵyrtady, jaqsylyq jasaidy. Ramazan aiynda imandylyq, janashyrlyq jáne meiirimdilik siiaqty myzǵymas qundylyqtardyń qadiri arta túsedi.
Islamnyń gýmanistik idealdary elimizdegi bereke men birlikti, beibitshilik pen kelisimdi nyǵaitý úshin mańyzdy ról atqarady. Biz halqymyzdyń yrys-yntymaǵynyń arqasynda kez-kelgen qiyndyqty eńserip, bolashaqqa senimmen qadam basamyz.
Qasietti oraza aiynda búkil musylmannyń júregin qýanysh kernep, jurtymyz tatýlyq pen tynyshtyqqa bólene bersin! Barsha azamattarymyzǵa zor densaýlyq, baq-bereke tileimin!", - dedi Memleket basshysy.
Eske salaiyq, 2022 jyly Ramazan 2 sáýirde bastalyp, 1 mamyrda aiaqtalady. Oraza 30 kúnge sozylady. 2 mamyrda Qazaqstan musylmandary Oraza ait merekesin toilaidy.
