Memleket basshysy Qasym-Jomart Toqaev qazaqstandyqtardy Otan qorǵaýshylar kúnimen quttyqtady, - dep habarlaidy "Ult aqparat" Aqordanyń resmi saityna silteme jasap.
"Qurmetti qazaqstandyqtar!
Sizderdi Otan qorǵaýshy kúnimen shyn júrekten quttyqtaimyn!
Bul - batyr babalardyń dańqty joly men búgingi býynnyń týǵan elge qyzmet etý dástúrin toǵystyratyn mereke.
Otan qorǵaý - qasietti paryz ári mártebeli mindet. Halqymyz antyna adal, sertine berik perzentterin erekshe qadirleidi.
Biyl Qazaqstan Qarýly Kúshteriniń qurylǵanyna 30 jyl tolyp otyr. Osy kezeńde aibyndy armiiamyz qasterli Táýelsizdigimizdiń jáne memlekettiligimizdiń myzǵymas qorǵanyna ainaldy.
Qorǵanys áleýetimizdi arttyrý, sarbazdardyń daiyndyǵyn kúsheitip, olarǵa jan-jaqty qoldaý kórsetý - memlekettiń basty mindetteriniń biri.
Beibit ómirimiz ben tynyshtyǵymyzdy, jerimizdiń tutastyǵyn saqtaý úshin qyzmet etip júrgen sardarlar men sarbazdarǵa rizashylyǵymdy bildiremin.
Erjúrek jaýyngerlerimiz el senimin aqtaidy dep senemin!
Barshańyzǵa baq-bereke jáne tolaǵai tabys tileimin!", - delingen quttyqtaýda.
