Foto: aa.com.tr
Memleket basshysy Qasym-Jomart Toqaev qazaqstandyqtardy Oraza ait merekesimen quttyqtady, - dep habarlaidy "Ult aqparat" Aqordanyń baspasóz qyzmetine silteme jasap.
"Qadirli otandastar! Barshańyzdy Oraza ait merekesimen shyn júrekten quttyqtaimyn!
Bul - kúlli musylman qaýymynyń ulyq meiramy.
Oraza ustaǵan jamaǵat osy merekeni asyǵa kútedi. Alys-jaqyn aǵaiyn bir-biriniń úiine baryp, jyly lebizin bildiredi. Halqymyzdyń yntymaǵy nyǵaiyp, birligi beki túsedi.
Islam - imandylyqty, beibitshilikti, meiirimdilikti dáripteitin asyl din. Osy igi qundylyqtar eldiń amandyǵy men berekesin tileitin ultymyzdyń salt-dástúrimen bite qainasyp jatyr. Sondyqtan bul - bir shańyraqta tatý-tátti ómir súrip jatqan barsha jurtymyz úshin qadirli uǵymdar.
Oraza ait - eldigimizdi eseleitin mereke. Biz memleketimizdiń jarqyn bolashaǵy úshin qoǵamdaǵy birlik pen kelisimdi odan ári nyǵaita beremiz.
Elimizdiń ár shańyraǵy baqyt pen qýanyshqa bólensin! Halqymyzdyń yrysy men yntymaǵy arta bersin! Ait qabyl bolsyn, aǵaiyn!" - dep jazylǵan quttyqtaýda.
