Memleket basshysy Qasym-Jomart Toqaev QR Konstitýtsiiasy kúnine orai quttyqtaý joldady, dep habarlaidy Aqordanyń resmi saity.
***
Qurmetti otandastar!
Barshańyzdy Qazaqstan Respýblikasynyń Konstitýtsiiasy kúnimen quttyqtaimyn!
Osydan 25 jyl buryn Tuńǵysh Prezidentimiz – Elbasy Nursultan Ábishuly Nazarbaevtyń bastamasymen qazirgi Ata zańymyz qabyldandy. Bul qadam tereńnen tamyr tartatyn memlekettigimizdi tyń óriske bastap, Qazaqstan Respýblikasynyń kúrdeli geosaiasi jaǵdaidaǵy damýynyń dańǵyl jolyn aiqyndady.
Konstitýtsiiamyzda belgilengen adam quqyǵy men bostandyǵy, saiasi jáne áleýmettik-ekonomikalyq qurylym qaǵidattary ádiletti qoǵam men qýatty memlekettiń ainymas tuǵyryna ainaldy.
Halyq biligi, teńdik, birlik, zań ústemdigi siiaqty qasterli ustanymdar myzǵymas ustyn retinde qalyptasyp, Qazaqstannyń keleshektegi jan-jaqty damý baǵdarynyń mazmunyn aishyqtai tústi.
Ata zańymyz ýaqyt rýhyna jáne azamattarymyzdyń talap-tilegine sai keledi. Sondai-aq, onyń jasampazdyq áleýeti saiasi júie men áleýmettik-ekonomikalyq qatynastardy odan ári jetildirýge baǵyttalǵan.
Biz memlekettiń berik konstitýtsiialyq negizine súiene otyryp, eldegi kelisim men saiasi turaqtylyqty saqtaimyz jáne azamattyq qoǵammen syndarly bailanysty jalǵastyra beremiz. Qazirgi qiyndyqtardy birge eńserip, kózdegen maqsatymyzǵa jetetinimizge senimim mol.
Elimizge amandyq, jurtymyzǵa yntymaq pen baq-bereke tileimin!
