Foto:gov.kz
Memleket basshysy - Joǵarǵy Bas qolbasshy Qasym-Jomart Toqaev Qazaqstan armiiasyn odan ári tehnologiialyq jańǵyrtý boiynsha naqty tapsyrmalar berdi, - dep habarlaidy Tengrinews.kz.
"Qazirgi zamanǵy qarý-jaraq pen tehnikanyń, ásirese joǵary dáldiktegi zaqymdaý quraldarynyń, drondar men robottyq keshenderdiń úlesin arttyrý qajet. Áskerlerdiń utqyrlyǵyn arttyrý úshin áskeri-kóliktik aviatsiia men jaýyngerlik mashinalar parkin ulǵaitý qajet. Aldyńǵy qatarly aqparattyq júieler men tehnologiialardy engizý mańyzdy mindet bolyp tabylady. Sheshim qabyldaýdyń jedeldigin arttyrýǵa jáne jaýyngerlik bólimshelerdiń áleýetin arttyrýǵa erekshe nazar aýdarý qajet. Bul áskerlerdi qoldanýdyń tiimdiligin birneshe ret jaqsartýǵa múmkindik beredi", - dedi Prezident Búkilarmiialyq keńes barysynda.
Toqaevtyń aitýynsha, otandyq áskeri-ónerkásip kesheni armiiamyzdy tolyqqandy qarýlandyrý men jańǵyrtýda mańyzdy ról atqarýǵa tiis.
"Úkimet áskeri maqsattaǵy ónimder men qyzmetterdiń nomenklatýrasyn keńeitý úshin barlyq sharalardy qabyldaýy kerek. Taǵy bir ózekti mindet - zaýyttyq jáne áskeri jóndeý múmkindikterin arttyrý. Bul baǵytta bizdiń áleýetimiz zor", - dep túiindedi Memleket basshysy.
