Foto: Akorda.kz
Prezident Qasym-Jomart Toqaev Qazaqstan ulttyq quramasynyń San-Marino komandasyna qarsy oiynyna qoldaý kórsetý úshin «Astana Arena» stadionyna keldi, dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysymen birge ulttyq quramaǵa qoldaý bildirý úshin dańqty sportshylar, sport ardagerleri men mádeniet qairatkerleri de keldi.
Olardyń arasynda Qazaqstannyń halyq ártisi Dimash Qudaibergen, mini-fýtboldan Qazaqstan ulttyq quramasynyń bas bapkeri Paýlý Rikardý Figeira Silva (Kaka), fýtbol ardagerleri Mihail Gýrman men Vahid Masýdov, bapker Dmitrii Ogai, olimpiada chempiondary Olga Rypakova, Dmitrii Balandin jáne taǵy basqalary bar" - delingen habarlamada.
